Մենք շատ գործեր ունենք անելու, Էրդողանի ժամանակը չի

ԱԺ արտաքին հարցերի հանձնաժողովի նախագահ, ՀՀԿ-ական Արտակ Զաքարյանը, Yerkir.am-ի հետ զրույցում անդրադառնալով Թուրքիայի նախագահ Էրդողանի այն հայտարարությունը, թե հայերը ապրիլի 24-ին կնվագեն ու կպարեն իրենց նվագի տակ` Թուրքիային վիրավորելով, պատասխանեց. «Եթե ինչ-որ ժամանակ քանդակագործները որոշեն լավագույն ցինիկ ղեկավարի արձանը դնել, առանց քննարկումների` Էրդողանը պետք է լինի դրանց առաջին շարքում: Ամբողջ աշխարհի համար դա ողբերգություն է, նրանց համար` ցինիզմ»:

Արտակ Զաքարյանը նաև հավելեց, որ Թուրքիայում բարեկիրթ մարդիկ շատ կան, Էրդողանից բացի:

Իսկ ՀՀԿ-ական մեկ այլ պատգամավոր` Առաքել Մովսիսյանը, պատասխանեց. «Մենք շատ գործեր ունենք անելու, Էրդողանի ժամանակը չի: Շատ խոսալով չի ու մեծ-մեծ խոսալով չի: Մենք կհասնենք մեր նպատակին, Էրդողանը թող գնա, զբաղվի իրա գործերով»: