Իրանում Հոլոքոստի թեմայով ծաղրանկարների մրցույթ կանցկացվի

Իրանի մայրաքաղաքում մայիսի 9-ին Հոլոքոստի թեմայով ծաղրանկարների երկրորդ միջազգային մրցույթի շրջանակներում կազմակերպված ցուցահանդես կբացվի:

Մրցույթին ավելի քան 300 նկարիչ է մասնակցել Իրանից, Ֆրանսիայից, Ինդոնեզիայից, Թուրքիայից և այլ երկրներից: Նրանք կազմակերպիչներին 839 աշխատանք են ուղարկել: Ինչպես հայտնում է The Times of Israel-ը, հաղթողը 12 հազար  դոլար մրցանակ կստանա: Երկրորդ տեղի մրցանակային ֆոնդը  8000 դոլար է, երրորդինը՝ 5000:

Մրցույթի կազմակերպիչների խոսքով՝ միջոցառումն անցկացվում է Արևմուտքի երկակի չափանիշները ցույց տալու համար: Նրանց հավաստմամբ՝ իսլամի նկատմամբ հարգանքի բացակայությունն ամենուր է, մինչդեռ Հոլոքոստի թեմայի վրա տաբու է դրված: