9 տարի առաջ - 2015-04-07 10:45 
Ապրիլի 2-ին Հայոց ցեղասպանության 100-րդ տարելիցին նվիրված միջոցառումների շրջանակներում Վարշավայի «Անկախության թանգարանում» տեղի է ունեցել «Վանա ծովուն արշալույսը» ֆիլմի ցուցադրությունը, որը կազմակերպել է Լեհաստանի «Արմենիան ֆաունդեյշն» հիմնադրամը: Միջոցառումն անցկացվել է Լեհաստանում ՀՀ դեսպանության, ինչպես նաև Մազովիցկայայի վոյևոդության մարշալեկ Ադամ Ստրուզիկայի հովանու ներքո,հաղորդում է ԱԳՆ-ն:
Ֆիլմի ցուցադրությանը ներկա են եղել Լեհաստանում ՀՀ դեսպան Էդգար Ղազարյանը, ֆիլմի ռեժիսոր Վահան Ստեփանյանը, Լեհաստանի Սեյմի փոխնախագահ Էուգենիուշ Գժեշտակը, Լեհաստանի նախագահի խորհրդական Յան Լիտինսկին, լեհահայոց հոգևոր հովիվ Տեր Տաճատ Ծատուրյանը, Լեհաստանի ռադիոհեռուստատեսության մարզային կառույցների հարցերով Ազգային խորհրդի անդամ, պրոֆեսոր Ստեֆան Պաստուշկան, «Գազետա վիբորչա» թերթի գլխավոր խմբագիր Ադամ Միխնիկը, լեհ-հայկական առևտրական պալատի անդամ, «Արմենիան ֆաունդեյշն» հիմնադրամի խորհրդի նախագահի տեղակալ Մաչեյ Բոհոսևիչը, ՀՀ-ում Լեհաստանի նախկին դեսպաններ Վիկտոր Ռոսսը և Տոմաշ Կնոտեն, Վարշավայի Պրագա և Ռեմբերտով վարչական տարածքների ղեկավարները, դեսպաններ, լեհաստանի հայ համայնքի ներկայացուցիչներ, հասարակական-քաղաքական գործիչներ, լրագրողներ:
2024-10-21 23:58
