Հարկային ստուգումները շարունակվում են նաեւ Ծառուկյանի բիզնեսներում

ԱԺ Հանրապետական խմբակցության ղեկավար Վահրամ Բաղդարյանն այսօր ԱԺ ճապազրույցի ընթացքում նշեց, որ հարկային մարմինների կողմից անցկացվող ստուգումներին պետք է նորմալ վերաբերվել, քանի որ դա սովորական գործընթաց է` անկախ կուսակցական պատկանելությունից:

«Կառավարության ձևավորման օրվանից սկսած` Սերժ Սարգսյանի կողմից եղել է հայտարարություն, որ որևէ անձնական վերաբերմունք ու կուսակցական պատկանելություն չի կարող անդրադառնալ հարկային ստուգումների վրա»,- ասաց պատգամավորը:

Վահրամ Բաղդասարյանի խոսքով՝ դիտավորյալ ու հատուկ դեպքեր չեն լինի, սակայն ստուգումները պետք է շարունակական բնույթ կրեն, բոլորը պետք է իրենց գործունեությունը ծավալեն օրինական դաշտում:

Հարցին, թե Սերժ Սարգսյանի եղբայրն է՞լ է ենթարկվում այդ օրենքներին, Վահրամ Բաղդասարյանը պատասխանեց. «Չենք անձնավորում գործընթացը, դա բոլորին է վերաբերում»:

ՀՀԿ խմբակցության ղեկավարը նշեց նաև, որ Գագիկ Ծառուկյանի բիզնեսներում հարկային ստուգումները դեռևս շարունակվում են: