Նովրուզը Հայաստանում նշող ադրբեջանուհին հավանել է երկիրը

BBC-ի ադրբեջանական բյուրոն ռեպարտաժ է պատրաստել իրանցիների մասին, որոնք Նովրուզը նշում են Երևանում: Նշվում է, որ իրանցի երիտասարդները Նովրուզի օրերն անցկացնում են գիշերային ակումբներում:

Ըստ ադրբեջանական Oxu.Az-ի՝ իրանցի Ռզան նշել է, որ վերջին տարիներին զբոսաշրջիկների թիվը նվազել է, քանի որ նրանց համար ստեղծված չեն համապատասխան պայմաններ, մասնավորապես` քաղաքում չկան զուգարաններ:

Իրանից ժամանածների թվում է եղել նաև ադրբեջանուհի, ով նշել է, որ առաջին անգամ է Հայաստանում, իրեն այստեղ դուր է եկել և մտադիր է գնալ համերգի: «Արդեն մեկ շաբաթ է՝ ինչ այստեղ ենք: Որոշեցինք այցելել եւ տեսնել Հայաստանը: Ոչինչ, լավ է»,- ասել է նա: