ԱԺ հաջորդ քառօրյայում կքննարկվի պատգամավորական խումբ ստեղծելու հարցը

ԱԺ ՀՀԿ խմբակցության պատգամավոր Խոսրով Հարությունյանի կարծիքով՝ եթե անկախ պատգամավորների խումբը, որի ստեղծումը, ամենայն հավանականությամբ, առաջիկա քառօրյայի ընթացքում արդեն իրատեսական կլինի, իշխանության մեջ մտնելու ցանկություն ունենար, կհամալրեր ՀՀԿ-ի շարքերը:

Yerkir.am-ի հարցին, թե ԱԺ անկախ պատգամավորների խմբի գործունեությունը ո՞ր դաշտում է ինքը տեսնում, Խոսրով Հարությունյանը պատասխանեց. «Հիմա կդժվարանամ նրանց գործունեության վերաբերյալ մեկնաբանություն անել: Ճիշտն ասած` անկախ պատգամավորների գործունեությունը ես տեսնում եմ ավելի շատ օրինաստեղծ պրոցեսում, քաղաքական առումով` ես կարծում եմ՝ դա կլինի, համենայն դեպս, ոչ իշխանական մի թիմ: Ես այդպես եմ ենթադրում, բայց ժամանակը ցույց կտա: Հիմա դժվարանում եմ, միանշանակ բաներ չեմ կարող ասել»:

Yerkir.am-ի տեղեկություններով՝ պատգամավորական այս խմբի որոշումները շատ չեն տարբերվելու ՀՀԿ խմբակցության որոշումներից: