Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
2 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
3 ժամ առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
4 ժամ առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
4 ժամ առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
4 ժամ առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
4 ժամ առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
4 ժամ առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
5 ժամ առաջ Հասարակություն
Ուկրաինան Կանադայից կստանա NASAMS հակաօդային պաշտպանության համակարգը
20 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
20 ժամ առաջ Քաղաքական

0 դիտում,

9 տարի առաջ - 2015-02-18 16:22

Աշխարհ

ԲՀՄ-ն ողջունում է հայ-թուրքական արձանագրությունները հետ կանչելը

Բուլղարիայի հայերի միությունը ողջունում է Հայաստանի Հանրապետության նախագահ Սերժ Սարգսյանի որոշումը, որով նա խորհրդարանից հետ է կանչել հայ-թուրքական արձանագրությունները, ասված է ԲՀՄ հայտարարության մեջ:

«Թուրքիայի Հանրապետությունը, ի դեմս իր իշխանությունների, ևս մեկ անգամ ցույց տվեց ամբողջ աշխարհին, որ չընդունելով Հայաստանի կողմից հաշտության սկիզբ դնելու համար պարզված ձեռքը, անմիջական հետևորդն ու շարունակողն է իր նախնիների, ովքեր ծրագրեցին և իրականացրեցին Հայոց ցեղասպանությունը: Միանշանակորեն տեղին և արդարացված է Հայաստանի նախագահի քայլը, քանի որ Թուրքիան իր նախնիների կողմից կատարած հանցագործության համար ոչ միայն զղջումի ու ապաշխարության փորձ չի անում, այլ, ընդհակառակը, ավելի ու ավելի է հզորացնում հակահայ քաղաքականությունն ու Ցեղասպանության հանդեպ որդեգրած ժխտողականությունը:

Բոլորս ականատես ենք, թե ինչ լկտիությամբ թուրքական իշխանությունները փորձում են սրբապղծել Հայոց ցեղասպանության անմեղ զոհերի հիշատակը, ապրիլի 24-ին, երբ ողջ հայությունը պիտի ոգեկոչի Մեծ Եղեռնի Հարյուրամյակը, կազմակերպում են մեծ տոնակատարություններ՝ նվիրված Գալիպոլիի ճակատամարտին: Գրեթե ամեն օր թուրք պաշտոնյաները օգտագործում են ամեն տեսակ առիթներ, որպեսզի ստելով և խեղաթյուրելով պատմությունը, ժխտեն Հայոց ցեղասպանության փաստը և որևէ կերպ չեն ցանկանում ընդունել իրենց պատասխանատվության բաժինը:

Հայ-թուրքական հարաբերություններում, հենց Թուրքիայի անթաքույց ցանկությամբ, օրակարգ էր բերվել նաև Ղարաբաղյան հիմնախնդիրը: Թուրքիան, բոլոր միջոցներով անմիջականորեն աջակցելով և պաշտպանելով Ադրբեջանի Հանրապետության ղեկավարությանը, որը առանց թաքցնելու վարում է հայատյաց քաղաքականություն, ամեն օր հարյուրավոր անգամներ խախտում է հրադադարի ռեժիմը՝ վտանգելով թե՛ հայ զինվորների, և թե՛ հասարակ քաղաքացիների կյանքը, միանշանակորեն ապացուցել է, որ գոնե այս պահին անիմաստ և ժամանակի կորուստ է հայ-թուրքական հարաբերությունների բարելավման մասին խոսելն անգամ:

Բուլղարիայի Հայերի Միությունը հուսով է, որ հայ-թուրքական արձանագրությունները խորհրդարանից հետ կանչելուն կհետևի Հայաստանի Հանրապետության ստորագրության հետ վերցնելը այդ արձանագրություններից: ՀԻՇՈՒՄ ԵՆՔ ԵՎ ՊԱՀԱՆՋՈՒՄ»,- ասված է հայտարարության մեջ: