Ծառուկյանի անհաջող այցը` Մոսկվա. ռուսական ԶԼՄ

Օրերս որոշ ինտերնետ ռեսուրսներում տեղեկություն է տարածվել ԲՀԿ պատվիրակության` Մոսկվա այցելության մասին՝ կուսակցության առաջնորդ Գագիկ Ծառուկյանի գլխավորությամբ. գրում է Московская правда-ն:

Իրավիճակին ծանոթ փորձագետներին տարօրինակ է թվացել, որ ո'չ Գագիկ Ծառուկյանը,  ո'չ էլ նրա կուսակիցները չեն գովազդել նման ինտրիգային այցելության փաստը՝ ներքաղաքական դաշտում ԲՀԿ-ի վերջին ակտիվ գործողությունների ֆոնին:

Թերթը գրում է, որ ԲՀԿ-ին մոտ կանգնած աղբյուրները, սակայն, լույս են սփռել հայաստանյան ընդդիմադիր դաշտի առաջնորդի դերին հավակնող Գագիկ Ծառուկյանի «համր» այցի վրա: Պարզվել է, որ Մոսկվայում նրան սպասում էր միջկուսակցական այցի շարքային ձանձրալի  ճանաչողական-արձանագրային ծրագիր՝ Единая Россия-ի  հետ համագործակցության շրջանակներում:

 Ռուսական քաղաքական վերնախավի ներկայացուցիչներից ԲՀԿ-ին հաջողվել է հանդիպել միայն ԱՊՀ-ի հարցերով Պետդումայի կոմիտեի նախագահ Լեոնիդ Սլոիցկիի հետ, որի միջոցով ռեզոնանսային և հաղթական գովազդ  Հայաստանում հնարավոր չէր անել:

«Այսպիսով՝ Ծառուկյանի`  ռուսաստանյան բարձրաստիճան դեմքերի հետ հանդիպելու աղոտ հույսերը և ԲՀԿ-ի խամաճիկավար Ռոբերտ Քոչարյանի մոսկովյան կապերը վերջնական ֆիասկո են ապրել: Ծառուկյանը վերադարձել է Հայաստան ձեռնունայն և Մոսկվայի փաստացի ակնարկով առ այն, որ մոտ ապագայում ԲՀԿ-ն երկրի ներքաղաքական  դաշտում կարող է միայն  երկրորդական դերի հավակնել»,- գրում է թերթը: