ՀՀԿ-ն այսօր կարեւոր որոշում կկայացնի՞

Հայտնի է, որ այսօր տեղի է ունենալու ՀՀԿ խորհրդի նիստը: Երեք օր առաջ էլ` շաբաթվա սկզբին, անսպասելիորեն գումարվեց ՀՀԿ ԳՄ նիստը: Ի՞նչ է կատարվում ՀՀԿ-ում: Լրագրողներն այս հարցն ուղղեցին Հանրապետական կուսակցության փոխնախագահ, ԿԳ նախարար Արմեն Աշոտյանին:

«Հանրապետական կուսակցություն ոչ միայն իշխող քաղաքական ուժ է, այլ նաև քաղաքական ռիթմի թելադրողը: Մեր բոլոր քաղաքական որոշումներն ունեն իրենց ազդեցությունը ներքաղաքական ասպարեզներում: Այսօրվա քննարկման ժամանակ նույնպես որոշումները կայացվելու են բացառապես ժողովրդավարական ընթացակարգերով ու բաց քննարկումներով, և հերթական կարևոր որոշումը օրակարգ կարող է ծառայել երկրի զարգացման համար»,- ասաց նա:

Ինչ վերաբերում է Գագիկ Ծառուկյանի հայտարարություններին, որոնք հնչել են ԲՀԿ նախաձեռնոթյամբ հրավիրված խորհրդաժողովի ժամանակ, Արմեն Աշոտյանը նշեց, որ չի պատրաստվում  թողնել իր կարևոր օրակարգը և մեկնաբանել ԲՀԿ-ականների` ինչ-որ մեկնաբանություններ: