|
Փոխարժեքներ
17 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
ԱԺ ՀԱԿ խմբակցության քարտուղար Արամ Մանուկյանը, ԱԺ ավանդական ճեպազրույցում խոսելով ներկա պահին ՍԴ-ում քննվող պարտադիր կուտակայինի վերաբերյալ օրենքի մասին, վստահություն հայտնեց, որ ՍԴ-ն կկայացնի այնպիսի որոշում, որից ոչ ոք բան չի հասկանա: «Այդ որոշումը ՍԴ-ն այսօր չի հրապարակի, կսպասի` մինչև միտինգային մթնոլորտը մարի, որ վաղը քիչ ավելի հեշտ լինի»,- ասաց Արամ Մանուկյանը:
Հարցին, թե ինչպիսի՞ գործողություններ են իրականացնելու ոչ իշխանական քաղաքական ուժերը ՍԴ որոշումից հետո, պատգամավորը պատասխանեց, որ քառյակի մարտավարությունը շատ ավելի հեռուն գնացող է, քան կուտակայինի ճակատագիրը:
«Մենք պատրաստվում ենք կառավարության հրաժարականին, և այնքան շատ խութեր կան, որոնք կառավարության հրաժարականի մատուցման համար անհրաժեշտ հող կարող են նախապատրաստել: Քառյակի աշխատանքները գնում են արդյունավետ, փոխհամաձայնեցված, արդյունքները կլինեն հաստատ: Առաջիկայում քաղաքական և քաղաքացիական ուժերը պետք է ֆոկուսվեն նոր ընտրություններ ունենալու և լեգիտիմ խորհրդարանական ու նախագահական ընտրությունների հասնելու համար: Եթե կարողանանք կուսակցական քաղաքական շահերը մի կողմ դնել ու հասնել դրան, դա կլինի հիմնարար լուծում: Մնացած ֆրագմենտալ լուծումները ոչինչ չեն տալու»,- ասաց Արամ Մանուկյանը: