Հաագայի դատարանը Հայաստանն ընդդեմ Ադրբեջանի գործով որոշում կկայացնի հաջորդ շաբաթ

Նոյեմբերի 17-ին Հաագայի Միջազգային դատարանը որոշում կկայացնի Ադրբեջանի դեմ ժամանակավոր միջոցների մասին` Հայաստանի կողմից ներկայացված հայցով, որով Բաքուն մեղադրվում է Լեռնային Ղարաբաղում էսկալացիայի պատճառով ռասայական խտրականության մասին կոնվենցիան խախտելու մեջ։ Այս մասին ասվում է դատարանի տարածած հայտարարության մեջ, որը փոխանցում է «ՌԻԱ նովոստ»-ին։

«Ուրբաթ օրը՝ 2023 թվականի նոյեմբերի 17-ին, Արդարադատության միջազգային դատարանը վճիռ կկայացնի Հայաստանի կողմից 2023 թվականի սեպտեմբերի 28-ին ներկայացված ժամանակավոր միջոցների կիրառելու մասին հայցի վերաբերյալ՝ Ռասայական խտրականության բոլոր ձևերի վերացման մասին միջազգային կոնվենցիայի կիրառման գործով (Հայաստանն ընդդեմ Ադրբեջանի գործ),- ասվում է հայտարարության մեջ։

Սեպտեմբերին Հայաստանը ՄԱԿ-ի դատարան հայց է ներկայացրել ընդդեմ Ադրբեջանի։ Հայկական կողմը դատարանից պահանջել է ժամանակավոր միջոցներ կիրառել «Ռասայական խտրականության բոլոր ձևերի վերացման մասին միջազգային կոնվենցիայով ամրագրված իրավունքները պահպանելու և պաշտպանելու համար»։ Ընդհանուր առմամբ նման միջցները տասն են, և բոլորն էլ ներկայացնում են ադրբեջանական կողմի պահանջները։