Ի՞նչ գործ ունեմ Ամանորի առավոտյան Կարսում. թուրք խմբագիր (լուսանկարներ)

Թուրքական «Գիշերային հեռարձակման» մեդիախմբի նախագահ և մի քանի ամսագրերի գլխավոր խմբագիր Քենան Էրչեթինգյոզը 2015-ի հունվարի 1-ի առավոտյան այցելել է հայոց մայրաքաղաք Անի. տեղեկացնում է KHA-ն:

Այցի վերաբերյալ նա իր տպավորություններն է գրի առել «Ի՞նչ գործ ունեմ Ամանորի առավոտյան Կարսում» վերնագրված հոդվածում:

«Վերջին տարիների իմ ամենահաճելի Նոր տարին։ Տեսե’ք, գնացի Կարս, որի կազմում են գտնվում Հայաստանի հետ սահմանակից Անիի ավերակները։ Մտեք, կարդացեք Google-ում, որ Անին ստեղծվել է 961 թվականին և եղել Մետաքսի ճանապարհի կարևոր հանգույցներից»,- գրել է թուրք խմբագիրը։

Նա իր հոդվածում կոչ է արել Թուրքիայի մշակույթի նախարարությանը, որ հետաքրքրվեն Անիով և այն դարձնեն աշխարհի մակարդակով տուրիզմի կենտրոն։

«Բավական է միայն ուզել և թույլ չտալ, որ այն անհետանա պատմության մեջ, արժեքն իմանան»,- գրել է Էրչեթինգյոզը: