Կարսում ցանկանում են դպրոցն անվանակոչել Քիմ Քարդաշյանի անունով

Քիմ Քարդաշյանի պատճառով Արեւելյան Հայաստանի Կարս նահանգի (ներկայումս` Թուրքիա) Քարաքալե գյուղի բնակիչները բաժանվել են երկու ճամբարի. տեղեկացնում է Hurriyet-ը: Գյուղացիների մի մասը ցանկանում է գյուղի դպրոցին և հայտնի պանրին տալ Քիմ Քարդաշյանի անունը, իսկ մյուսը՝ նրա սկանդալների պատճառով խուսափում է նման քայլից:

Կարսեցիները Քիմ Քարդաշյանին հրավիրում են իրենց գյուղ, խոստանում հյուրասիրել Կարսի հայտնի սագով։

Թերթը նշել է, որ 1900-ականների սկզբին Կարսը եղել է հիմնականում հայերով բնակեցված:

Նշենք, որ ինչ հայտնի է դարձել, որ ապրիլ ամսին՝ Հայոց ցեղասպանության 100-ամյա տարելիցին, Քարդաշյանները կժամանեն Հայաստան, թուրքական ԶԼՄ-ի մոտ հատուկ հետաքրքրություն է առաջացել` նրա մասին լուրերը լուսաբանելը: