Ինքնաթիռները հետ են գնացել

Այսօր առավոտյան դեպի Երևանի «Զվարթնոց» օդանավակայան թռչող ինքնաթիռները մառախուղի պատճառով  հետ են գնացել: Մասնավորապես` Դոնի Ռոստովից ու Մինվոդիից ճանապարհված օդանավերը չեն կարողացել իջնել «Զվարթնոց» օդանավակայանում: Դոնի Ռոստովից եկող օդանավը հետ է գնացել Սոչի, իսկ Մինվոդիից եկողը՝ հենց Մինվոդի: Այս մասին Yerkir.am-ի հետ զրույցում ասաց «Զվարթնոց» օդանավակայանի մամուլի քարտուղար Գևորգ Աբրահամյանը:

«Օդանավերը նորից թռիչք են իրականացնելու դեպի Երևան: Ոչ մի արտակարգ բան չկա: Մառախուղը քիչ-քիչ ցվում է, թեև այս պահի դրությամբ դեռ կա մառախուղ և ցածր տեսանելիություն: Տեսանելիության նորման թռիչքների դեպքում պետք է լինի 350 մետր, իսկ այսօր առավոտյան եղել է 75 մետր: Քիչ առաջ արդեն 100 մետր էր: Օդերեւութաբաններն ասում են, որ մառախուղը կցրվի շուտով, եղանակը կկարգավորվի, և թռիչքները պատշաճ կիրականացվեն»,- ասաց Գևորգ Աբրահամյանը: