«Հայի վիժվածք». սպառնում են Հարվարդի համալսարանի դոկտորին Գյուլին ուղղած համարձակ հարցի համար

Անցած տարի Թուրքիայի այդ ժամանակվա նախագահ Աբդուլլահ Գյուլը Հարվարդի համալսարանում ելույթ էր ունեցել, որի ընթացքում դոկտոր Էմրահ Ալթընդիշը Գեզի այգու վերաբերյալ համարձակ հարց էր ուղղել նրա:

Ըստ Hurriyet-ի՝ Ալթընդիշի՝ «երբ Թուրքիայում մարդիկ են զոհվում, ինչպե՞ս եք գիշերը քնում» հարցը պատճառ է դարձել, որպեսզի նրա կյանքը հիմնովին փոխվի:

Թերթին տված հարցազրույցի ընթացքում դոկտորը նշել է, որ այդ հարցից հետո ստացել է բազում սպառնալիքներ, վիրավորանքներ, և ամենավտանգավորը՝ Հարվարդի համալսարանում կեղծ անունով իր հասցեին էլեկտրոնային նամակ է ուղարկվել: Դրանում կեղծիքներով 19 էջանոց փաստաթղթեր և Թուրքիայում արված լուսանկարներ են եղել, որոնք իբր ապացուցում են, թե դոկտորը անօրինական կազմակերպությունների հետ կապ է ունեցել, եւ դրանով նրան ստիպում են լքել ԱՄՆ-ը:

Ալթընդիշը հայտնել է, որ ոստիկանության երկար հետաքննությունից հետո միայն իրեն հաջղվել է ապացուցել դրանց կեղծ լինելը:

«Ինձ հասցեագրված նամակներում ինձ «հայի բիճ, հույնի բիճ, դու չես կարող թուրք լինել, հայրենիքի դավաճան» և նման խոսքեր էին ասում: Սպառնում էին ինձ սպանել: Սակայն չեմ զղջում` այդ հարցն ուղղելու համար: Եթե դրանով ես կարողացել եմ հանգստացնել մարդկային իրավունքները ոտնահարված ընտանիքներին, դա ինձ մի ամբողջ կյանք բավական է: Բացի այդ՝ համարձակությունը փոխանցիկ է: Թուրքիայում այնքան մարդ է վճարում ժողովրդավարության և ազատության համար, որ իմ ապրածները բացառություն չեն»,- ասել է նա: