Ազնավուրը հայտարարություն է տարածել իր` թուրքական թերթին «տված» հարցազրույցի մասին

Շառլ Ազնավուրը ֆեյսբուքյան պաշտոնական իր էջում հայտարարություն է տարածել, ըստ որի` հերքում է թուրքական թերթին հարցազրույց տալու մասին շրջանառվող լուրերը:

«Ես որևէ հարցազրույց չեմ տվել թուրքական «Պոստա» թերթին։ Խորապես վիրավորված եմ այդ ստոր մանիպուլյացիայից»,- ասում է նա:

Հիշեցնենք, որ այսօր yerkir.am-ի հետ զրույցում ՀՀ ԱԳ նախարարի մամլո խոսնակ Տիգրան Բալայանը նշել էր, որ իրենք պնդում են` Ազնավուրը որևէ մրցանակ չի ընդունել. «Հանդիպման ընթացքում որևէ մրցանակի մասին խոսք անգամ չի եղել: Ազնավուրին հանձնել են հուշանվեր` իր մոր` Իզմիթ քաղաքի խորհրդանիշը, որն էլ թուրք լրագրողը հետո ներկայացրել է իբրև մրցանակ»: