Զարուհի Փոստանջյանի հայտարարությունը կիսատ մնաց

Այսօր ԱԺ հերթական քառօրյայի նիստում, երբ ԱԺ նախագահ Գալուստ Սահակյանը ներկայացնում էր քառօրյայի օրակարգը, հարց տալու համար հերթագրվեց «Ժառանգություն» խմբակցության պատգամավոր Զարուհի Փոստանջյանը:

«Հարգելի' գործընկերներ, ուրբաթ երեկոյան` ոչ աշխատանքային ժամին, առաջին ատյանի դատարանի կողմից հրապարակվեց դատավճիռ, որն ապացուցում է, որ Հայաստանում դեռ կան անձինք, որոնք հետապնդվում են քաղաքական հայացքների համար…»,- ասաց պատգամավորը:

ԱԺ փոխնախագահ Էդուարդ Շարմազանովն ընդհատեց նրա հարցը` ասելով, որ արծարծվող հարցը կապ չունի օրակարգի հետ:

«Սա օրակարգի հետ կապ չունի: Ներողություն եմ խնդրում, չէի ուզենա խոսափողն անջատել, բայց ձեր հայտարարությունը օրակարգի հետ կապ չունի»,- ասաց ԱԺ փոխնախագահը: