Քրդերը Թուրքիայի դրոշն են իջեցրել

Թուրքիայի ԶՈՒ գլխավոր շտաբը հայտարարություն է տարածել, թե իբր Քրդական բանվորական կուսակցության 4 անդամներ  Ալթընդաղ շրջանի դպրոցներից մեկում իջեցրել են պետական դրոշը: Այդ մասին հայտնում է Haberler-ը:

«Ահաբեկիչները իջեցրել են թուրքական դրոշը» վերնագրված հայտարարության մեջ ասվում է. «Դեպքի հետ կապված՝ չորս հոգի ձերբակալվել են: Երկուսի նկատմամբ քրեական գործ է հարուցվել, իսկ մյուս երկուսն ազատ են արձակվել»:

ԶՈՒ գլխավոր շտաբի պաշտոնական կայքէջի «Երկրի կարևոր իրադարձությունները» բաժնում նշվում է նաև, որ Մուշի Բուլանըք շրջանում քրդական նույն կուսակցութան ևս 4 անդամներ քաղաքացու են առևանգել: Դեպքի հետ կապված` հետաքննություն է սկսվել: