ՀՀԿ-ական պատգամավորը հորդորում է չքաղաքականացնել գեներալ Սարոյանի լեզվի սայթաքումը

ԱԺ ՀՀԿ խմբակցության պատգամավոր Մանվել Բադեյանը լրագրողների հետ զրույցում, պատասխանելով հարցին` արդյոք՞ ընդառաջ կգնան կուսակից Սեյրան Սարոյանի կոչին` մտածել ժողովրդի մասին, ասաց. «Հանրապետականը միշտ է մտածում ժողովրդի մասին»:

Yerkir.am-ի հարցին` բայց չէ՞ որ Սեյրան Սարոյանն ասաց` եկեք` այս անգամ էլ ժողովրդի մասին մտածենք, ինչը նշանակում է, որ սովորաբար Հանրապետականը ժողովրդի մասին չի մտածում, պատգամավորը պատասխանեց. «Լեզվի սայթաքումը մի' քաղաքականացրեք»:

Նրա խոսքով` շրջանառության հարկի նվազեցումը ՓՄՁ-ների համար և կառավարության նոր հարկային քաղաքականությունը դրական են, պարզապես, ըստ Բադեյանի, կան «ներքին հոսանքներ և ստորջրյա քարեր», որոնք պետք է քննարկել և հասկանալ, թե ինչու է ստեղծվել նման իրավիճակ: