Երեք օր առաջ քրդերը 81 եզդի կին են բռնաբարել և գնդակահարել.Ազիզ Թամոյան

Ըստ եզդիների նախապապերի հասած տեղեկությունների, եզդիների հանդեպ քրդական կազմակերպությունների կողմից սպանդեր են տեղի ունեցել բոլոր ժամանակներում, իսկ վերջին ցեղասպանությունը, որը շարունակվում է մինչ այսօր` 74-րդն է.

« Ես չեմ հասկանում ինչ է կատարվում, մարդկանց են գնդակահարում, որ իսլամ ընդունեն: Ինչ է, ամբողջ աշխարհը հո մուսուլման չի՞ լինելու»,-լրագրողների հետ հանդիպման ժամանակ հայտարարեց համայն աշխարհի եզդիների միության նախագահ Ազիզ Թամոյանը:

Բանախոսի հավաստմամբ ընդհամենը երեք օր առաջ քրդերը 81 կնոջ են բռնաբարել և հետո գնդակահարել, սպանում են նաև երեխաներին և մեծահասակներին` բոլոր եզդիներին անխտիր:

Եզդիների միության նախագահը բարկացած է, չի կարողանում ընդունել, թե իրչպե՞ս կարելի է մարդկանց ստիպել, որ ամբողջ աշխարհը ընդունի իսլամը.

«Թքեմ ես դրանց երեսին, ինչպես կարելի է կրոնը պարտադրել, ինչպես են դրանք դաստիարակվել»,-նշեց Ազիզ Թամոյանը:

Մյուս բանախոս եզդիների հոգևոր առաջնորդ, շեյխ Բրո Հասանյանը կոչ է անում բոլոր հոգևոր առաջնորդներին լինել եզդիների կողքին.

«Եզդի ազգը ապրում է իր կրոնով, հավատով: Մենք երբեք ոչ մի ազգի, կրոնի դեմ չենք եղել: Մենք ընդունում ենք Աստծու տված հավատը»,-ասաց հոգևոր առաջնորդը:

Շեյխ Բրո Հասանյանը կատարվածը իսկական ցեղասպանություն է համարում և դատապարտում է բոլոր քրդերին, ովքեր բարբարոսաբար սպանում են իրենց ազգակիցներին: