Ադրբեջանը փորձում է Կարմիր խաչի միջոցով ստանալ փոխհրաձգության ժամանակ սպանված դիվերսանտի դիակը

Ադրբեջանի փախստականների եւ պարտադրված վերաբնակների հարցերով պետական կոմիտեն այսօր հայտարարություն է տարածել Քարվաճառում գերված դիվերսիոն խմբի անդամների վերաբերյալ՝ նշելով, որ Կարմիր խաչի միջազգային կազմակերպության հետ փորձում են պարզել նրանց ճակատագիրը. տեղեկացնում է ԱՊԱ գործակալությունը:

Նշվում է, որ Կարմիր խաչի ձեռք բերած լուսանկարներից մեկով հարազատները ճանաչել են ոմն Հասան Հասանովի, որին ադրբեջանցիները ներկայացնում են որպես սպանված պատանդ: Բայց հիշեցնենք, որ նա  սպանվել է խմբի վնասազերծման ժամանակ:

Ներկայումս, ըստ ԱՊԱ-ի, Կարմիր խաչը փորձում է հայկական կողմի հետ պայմանավորվել դիակի վերադարձման վերաբերյալ, սակայն հայկական կողմը նույնականացման համար լրացուցիչ  նյութեր է պահանջում: