Ուկրաինայի հարավ-արեւելքում կռվող զինվորականների ծնողները բողոքում են նախագահի նստավայրի առջեւ

Ուկրաինայի հարավ-արեւելքում ռազմական գործողության մասնակցող զինծառայողների հարազատները պիկետ են կազմակերպել երկրի նախագահի նստավայրի առջեւ. հայտնում է УНИАН-ը:

Նրանց պահանջները տարբեր են: Ոմանք պահանջում են հակամարտության սկզբից այնտեղ ծառայողների ռոտացիա իրականացնել, ոմանք` պրոֆեսիոնալ հրամանատարներ նշանակել, ոմանք էլ` զինծառայողների տարրական կենցաղային պայմաններն ապահովել, քանի որ հաճախ ստիպված են լինում ջուր խմել ջրափոսերից: Իսկ բոլորը միաձայն բողոքում են  այն բանի դեմ, որ առաջնային գծում բացառապես սովորական քաղաքացիների երեխաներ են, այնտեղ չկան ո'չ պաշտոնյաներ, ո'չ էլ նրանց երեխաները:

Զինծառայողների հարազատները հանդիպում են պահանջում նախագահ Պորոշենկոյի հետ: