Գալուստ Սահակյանը ռուս պաշտոնյաների հետ շփվում է բացառապես հայերենով՝ թարգմանչի օգնությամբ

«Ժողովուրդը» գրում է. «ԱԺ նախագահ Գալուստ Սահակյանը, ով պաշտոնական այցով գտնվում է ՌԴ-ում, ուշագրավ քայլ է արել: Ինչպես պնդում են «Ժողովուրդ»-ի լավատեղյակ աղբյուրները, նա պատվիրակության կազմում Մոսկվա է տարել նաև թարգմանչի և այնտեղ ռուս պաշտոնյաների հետ շփվում է բացառապես հայերենով: Պատվիրակության անդամ ԱԺ պատգամավորները «Ժողովուրդ»-ի հետ զրույցում հաստատեցին այդ փաստը:

Հիշեցնենք, որ ՌԴ տոնի առթիվ ՌԴ դեսպանատանը կազմակերպված միջոցառմանը ևս Սահակյանը ներկայացել էր թարգմանչի ուղեկցությամբ: Սահակյանն այդ քայլին գնաց այն բանից հետո, երբ ԱԺ հյուրընկալված ռուս լրագրող-պաշտոնյաները դժգոհել էին, որ ՀՀ-ում տաքսիստները ռուսերեն չգիտեն և այդ լեզվին պետք է տալ հատուկ կարգավիճակ»:

Մանրամասները՝ թերթի այսօրվա համարում։