Աշոտյանը հոգնած է, արձակուրդ կգնա

ՀՀ վարչապետի' հունիսի 16-ի 542 - Ա որոշման համաձայն' կրթության և գիտության նախարար Արմեն Աշոտյանին 2014 թվականի հուլիսի 29-ից մինչև օգոստոսի 15-ը ներառյալ կտրամադրվի 2014 թվականի աշխատանքային տարվա ամենամյա նվազագույն արձակուրդի մասը:

Հիշեցնենք, որ այս տարվա հունիսի 2-3-ը Աշոտյանը դարձյալ արձակուրդում էր, սակայն` իր հաշվին, և դա ընդունելության փուլի մեկնարկից առաջ էր:

Ուշագրավ է, որ Աշոտյանը արձակուրդ է գնում քննությունների թեժ շրջանի ավարտից անմիջապես հետո: Ինչևիցե, նա 17 օր կհանգստանա, իսկ նրա' արձակուրդում գտնվելու ընթացքում կրթության և գիտության նախարարի պարտականությունների կատարումը ժամանակավորապես կդրվի կրթության և գիտության նախարարի տեղակալ Կարինե Հարությունյանի վրա:

Ի դեպ, վարչապետի` հունիսի 16-ի մեկ այլ' 543 - Ա որոշման համաձայն` Կարինե Հարությունյանին ևս կտրամադրվի նրաամենամյա նվազագույն արձակուրդի մասը' 2014 թվականի հուլիսի 7-11-ը ներառյալ: