Ուզում ես ոստիկանի հետ պրոբլե՞մ ունենալ, ես կստեղծեմ. ոստիկանության փոխգնդապետը` եզդի կնոջը

Արդեն հայտնել ենք, որ աղջիկ փախցնելու համար 4 տարվա ազատազրկման դատապարտված երիտասարդների պաշտպանության համար բողոքի ակցիա իրականացնող մոտ 50 եզդիներ հավաքվել են ՀՀ գլխավոր դատախազության առջեւ:

Քիչ առաջ միջադեպ տեղի ունեցավ ակցիայի մասնակիցների եւ ոստիկանների միջև: Ոստիկանները թույլ չէին տալիս ճանապարհն անցնել, ինչն առաջացրեց եզդիների զայրույթը: Մասնակիցներից մեկը` դատապարտված Էդիկ Ազմանյանի քույրը, բորբոքված փորձեց անցնել ճանապարհը, սակայն ոստիկանները թույլ չտվեցին: «Ուզում ես ոստիկանի հետ պրոբլե՞մ ունենալ, ես կստեղծեմ էդ պրոբլեմը»,- ասաց ոստիկանության փոխգնդապետը` գոռալով կնոջ վրա:

Այս պահին բողոքի մասնակիցներից երկուսին հրավիրել են դատախազություն` լսելու նրանց բողոքը:

Ի դեպ, երթի ընթացքում կտրուկ վատացել էր դատապարտված Էդիկի հոր` Քյարամի ինքնազգացողությունը, նրան տեղափոխել են հիվանդանոց:

Մանրամասները` yerkir.am-ի տեսանյութում: