Դուք ոստիկանության լավագույն տեսակն եք, մեր մտավորականներն եք. Վովա Գասպարյանը՝ քննիչներին

Հունիսի 10-ին ոստիկանության կոլեգիայի նիստերի դահլիճում հանդիսավոր պայմաններում նշվեց քննչական գլխավոր վարչության կազմավորման տարեդարձը: Այս մասին տեղեկանում ենք ոստիկանության պաշտոնական կայքից:

 Ոստիկանության պետ Վլադիմիր Գասպարյանը քննիչներին շնորհավորեց մասնագիտական տոնի առթիվ: Տոնի առթիվ ոստիկանության քննչական կորպուսի աշխատանքը բարձր գնահատեց և շնորհավորանքի խոսք հղեց Հայաստանի Հանրապետության գլխավոր դատախազ Գևորգ Կոստանյանը:

Քննչական գլխավոր վարչության պետ Գագիկ Համբարձումյանն իր ելույթում անդրադարձավ ստորաբաժանման գործունեությանը, առաջիկա անելիքներին և շնորհակալություն հայտնեց գնահատման համար: Հանդիսության ավարտին մի խումբ քննիչներ խրախուսանքների արժանացան հանրապետության գլխավոր դատախազի կողմից: Ոստիկանության պետ Վլադիմիր Գասպարյանի հրամանով քննչական գլխավոր վարչության մի շարք աշխատակիցներ պարգևատրվեցին մասնագիտական տոնի և աշխատանքում ցուցաբերած նախաձեռնողականության ու արդյունավետության համար: