Ադրբեջանը ՌԴ-ի հետ հարաբերություններում իրեն համարավետ է զգում. նախարար

Ադրբեջանը մտադիր չէ անդամակցել որևէ միության, այդ թվում` Եվրասիական տնտեսական և Եվրոպական Միություններին: Այդ մասին հայտարարել է Ադրբեջանի էկոնոմիկայի և արդյունաբերության նախարար Շահին Մուստաֆաևը Ադրբեջանի դիվանագիտական ակադեմիայի ուսանողների հետ հանդիպման ժամանակ. հայտնում է ադրբեջանական АПА-ն:

Նա նշել է, որ Ադրբեջանը, ՌԴ-ի հետ ներկայիս առևտրային ռեժիմի հետ կապված, խնդիր չի տեսնում, այն բավական հարմարավետ է:

Հիշեցնենք, որ երեկ ադրբեջանական ԶԼՄ-ներում տեղեկություն էր հայտնվել, թե ՌԴ տնտեսական զարգացման նախարար Ալեքսեյ Ուլյուկաևն Ադրբեջանին հրավիրել է Եվրասիական և Մաքսային միություներ: ՌԴ տնտեսական զարգացման նախարար Ալեքսեյ Ուլյուկաևի օգնական Ելենա Լաշկինան, սակայն,  Yerkir. am-ի հետ զրույցում նշեց, որ հրավեր չի եղել, նախարարին ընդամենը հարց են ուղղել՝ կարո՞ղ է, արդյոք, Ադրբեջանն անդամակցել ԵՏՄ-ին, ինչին նա պատասխանել է, որ, ամենայն հավանականությամբ, հնարավոր է, ինչու` ոչ: