«Դեմ եմ»-ի պահանջի երթն ավարտվում է

«Դեմ եմ» նախաձեռնության կազմակերպած նստացույցի մասնակիցները, Ֆրանսիայի հրապարակում հայկական կատարումներ, ինչպես իրենք ասացին՝ դհոլ-զուռնա, ունկնդրելուց ու պարելուց հետո շարունակեցին պահանջի երթը:

Այն անցավ Մաշտոցի պողոտայով, Հանրապետության հրապարահով, Նալբանդյան, Թումանյան, Աբովյան փողոցներով և ավարտվելու է «Մոսկվա» կինոթատրոնում, որտեղից մեկնարկել էր:

«Ոտքի, Հայաստան», «Ամոթ», «Վերջ թալանին», «Հաղթանակ», «Միացեք». վարկարկում էին երթի մասնակիցները: Նրանք մասնակիցերը հիշեցնում էին, որ Հայաստանի իշխանությունները մարդկանցից ապօրինաբար վերցնում են քրտինքով վաստակած գումարները, և շենքերի պատուհաններից, մայթերից հետևող քաղաքացիներին կոչ անում միանալ պայքարին:

Երթը անցավ խաղաղ՝ բացառությամբ ակցիայի մասնակիցների և ոստիկանների միջև կարճատև լարվածության:

Երթի ընթացքում մասնակիցները երգում էին «Զարթնիր, լաո» և հայրենասիրական այլ երգեր, իսկ Հանրապետության հրապարակում երգեցին ՀՀ օրհներգը: