Արթուր Բաղդասարյանը հրաժարական տվեց

ՕԵԿ նախագահ Արթուր Բաղդասարյանը լրագրողների հետ զրույցում հայտարարեց, որ ներկայացնելու է ՕԵԿ-ի ապագայի տեսլականն ու քաղաքական դիրքորոշումներ՝ՙ վերջին քաղաքական իրադարձությունների ֆոնին, երբ ՕԵԿ-ը հայտարարեց, որ մաս չի կազմելու կոալիցիային:

«Վերջին վեց տարիներին մեր աշխատանքի շնորհիվ մեզ հաջողվեց ԱԱԽ-ն դարձնել ճանաչելի կառույց, որը կարևոր նշանակություն ունի: Վեց տարիները համատեղ աշխատանքի տարիներ էին, և ես շնորհակալություն եմ հայտնում ԱԱԽ իմ գործընկերներին ու աշխատակիցներին: Այս կառույցը ներկայանալի է երկրի ներսում և դրսում»,- ասաց Արթուր Բաղդասարյանը:

Գովերգելով ՕԵԿ խմբակցության գործունեությունը խորհրդարանում` նա նշեց, որ, չնայած բազմաթիվ չարախոսների, ՕԵԿ-ը արդյունավետ է աշխատել:

«Հայտարարում եմ իմ հրաժարականի մասին, որը վերլուծված, փաստարկված որոշում է՝ ելնելով քաղաքական զարգացումներից, քանի որ նպատակահարմար չենք գտնում մաս կազմել կոալիցիային»,- ասաց Արթուր Բաղդասարյանը: