Ո՞վ է ավելի հարուստ (ֆոտոշարք)

Ուկրաինայի նախագահի թեկնածու, տեղի օլիգարխիայի կլասիկ ներկայացուցիչ Պյոտր Պորոշենկոյի կալվածքը գտնվում է Կոզին VIP-գյուղում (Կոնչա Զասպա)՝ Կիևից 13 կմ հեռու։ Պորոշենկոն իր կալվածքում կառուցել է ԱՄՆ Սպիտակ տունը հիշեցնող երկհարկանի առանձնատուն և սեփական եկեղեցի. գրում է Вести-ն:

Նախկինում այստեղ եղել է Կառլ Մարքսի անվան գործարանի (ներկայումս Roshen) աշխատակիցների Чайка հանգստյան գոտին: Այժմ այստեղ կառուցված են Պորոշենկոյի 4 տները, ինչպես նաև` նավահանգիստը։

Անշարժ գույքի ոլորտում պրոֆեսիոնալների միջազգային ֆեդերացիայի փոխնախագահ Ալեքսանդր Բոնդարենկոն պնդում է, որ Պորոշենկոյի կալվածքն արժե մոտ 17,5 մլն դոլար։

Դժվար է ասել՝ ինչպիսի պայմաններ են տների ներսում, որքան ոսկե իրեր կան, սակայն տների արտաքին տեսքն էլ բավական է, որ հասկանանք` Յանուկովիչի առանձնատունը Ուկրաինայում ամենաշքեղը չէ: