Վոլոչկովան դուրս է եկել Պուտինի դեմ

Ուկրաինայի  դեպքերը ցնցել են նաև ռուսական էստրադան և որոշակի պառակտում մտցրել աստղերի մեջ:

Այսպես՝ բալետի արտիստուհի Անաստասիա Վոլոչկովան, ով որոշել է երգչուհու կարիերա սկսել, ժամանել է Կիև՝ իր նոր տեսահոլովակը ներկայացնելու: Այն նկարահանվել է Ուկրաինայում, և Վոլոչկովան, չնայած երկու երկրների լարված հարաբերություններին, որոշել է հենց այդտեղ կազմակերպել տեսահոլովակի պրեմիերան:

Ավելին` 1+1 հեռուստաալիքի հետ զրույցում նա ասել է, որ Ղրիմն իր համար մնում է Ուկրաինայի մաս և «քաղաքական մարմնավաճառներ» է անվանել երգչուհի Վալերիային ու նրա ամուսին Պրիգոժինին՝ նրանց հակաուկրաինական դիրքորոշման համար: Ըստ Վոլոչկովայի՝ նրանք չունեն իրենց սեփական կարծիքը և միայն գոհացնում են ռուսական իշխանություններին:

Մանրամասները ՝ տեսանյութում: