Մոտ 9 միլիոն դրամի տուգանք` տարածքները «չմաքրելու» համար

2014 թվականի առաջին երկու ամիսներին «Երևան քաղաքի վարչական սահմաններում գտնվող անշարժ գույքի սեփականատիրոջ կամ տիրապետողի' իր տիրապետման տակ գտնվող անշարժ գույքի և դրան հարակից ընդհանուր օգտագործման տարածքի պարտադիր բարեկարգման կարգը» խախտելու համար Երևան քաղաքում գործունեություն իրականացնող թվով 539 տնտեսվարող սուբյեկտներ ենթարկվել են վարչական տույժի' ընդհանուր առմամբ, 8 միլիոն 920 հազար դրամ:

Քաղաքապետարանի տեղեկատվության եւ հասարակայնության հետ կապերի վարչությունից Yerkir.am-ին հայտնեցին, որ 2014 թվականի հունվար-փետրվար ամիսների ընթացքում ՀՀ վարչական իրավախախտումների վերաբերյալ օրենսգրքի 156-րդ հոդվածով սահմանված իրավախախտում կատարելու համար  վարչական պատասխանատվության են ենթարկվել' հունվար ամսին թվով 216, իսկ փետրվար ամսին թվով 323 տնտեսվարող սուբյեկտներ։ Վարչական տույժի ընդհանուր գումարը կազմել է, համապատասխանաբար, 3.570.000 ՀՀ դրամ և 5.350.000 ՀՀ դրամ։