Հանրապետականն այսօր նիստ է ունենալու

Այս պահի դրությամբ Մելիք Ադամյան փողոցը շրջապատված է ոստիկանական մեքենաներով, կան նաեւ բազմաթիվ կառավարական մեքենաներ:

«Երկիր»-ի հետ զրույցում հանրապետական պատգամավոր Հովհաննես Սահակյանը նշեց, որ Կառավարության նիստերի դահլիճում անցկացվում է Արդյունաբերողների եւ գործարարների միության համագումար, որին մասնակցում է նաեւ հանրապետության նախագահը:

Մեր ունեցած տեղեկությունների համաձայն` այսօր 20:00-ին տեղի է ունենալու Հանրապետականի հերթական նիստը, որին մասնակցելու է նաեւ նախագահը:

Նշենք, որ Ճանապարհային ոստիկանության ճանապարհապարեկային ծառայության բաժնի պետ Նորիկ Սարգսյանը մեզ հայտնեց, որ Հանրապետականի նիստի հետ կապված ցուցում դեռ չեն ստացել: