Օպերայի եւ բալետի թատրոնի անձնակազմն այսօր ժողով կանի

Արդեն տեղեկացրել ենք, որ երեկ օպերայի և բալետի ազգային ակադեմիական թատրոնում «Անուշ»  ներկայացումը չի կայացել: Օպերայի և բալետի թատրոնի դերասաններն ու պարողները հրաժարվել են բեմ դուրս գալ, նրանք բողոքել են պարտադիր կենսաթոշականին ֆոնդի համար արված պահումների դեմ:

Yerkir.am-ի հետ զրույցում թատրոնի փոխտնօրեն Սուրեն Աղաբաբյանը հաստատեց, որ պահումներ արվել են, բայց այդ գումարը չեն փոխանցել:

«Այսօր պետք է փորձենք հանդիպել ողջ թիմով, լսենք իրար, հասկանանք: Սա, այո, խնդիր է, որը պետք է հանգուցալուծվի: Ժողովրդի մեջ թյուր ու սխալ կարծիք կա, դրա համար պետք է հավաքվենք ողջ անձնակազմով ու փորձենք հարցին լուծում տալ»,- ասաց նա: