Տկլորացրեցին, քցեցին էն կողմ. գործարարը փոշմանել է, որ եկել է Հայաստան

Գործարար Արմենուհի Հարությունյանի նկատմամբ ճնշումներ են սկսվել այն բանից հետո, երբ նա  սատարել է իր ընկերոջը` ազատամարտիկ, ներկայումս կալանքի տակ գտնվող Վոլոդյա Ավետիսյանին: Այս մասին yerkir.am-ին հայտնեց գործարարը:

Նա նշեց, որ մինչև վերջ պայքարելու է ազատամարտիկի ազատության համար: «Ժողովուրդն այլևս չի կարող համբերել: Մենք շատ մեծ բանակ ունենք մեզ հետ, մենք շատ մարդ կարող ենք բերել»,- նշեց Արմենուհի Հարությունյանը:

Գործարարը նաև զգոնության կոչ արեց երկրի ղեկավարին. «Հարգելի' նախագահ, բավակա'ն է, ամբողջ երկիրը դատարկված է: Գործարար մարդը կգա ստեղ` գո՞րծ կանի: Ես եկել եմ, փոշմանել եմ. տկլորացրեցին, քցեցին էն կողմ, հետո ասացին` իսկ դու չգիտե՞ս` ինչ երկիր ես գալիս»:

Մանրամասները` yerkir.am-ի տեսանյութում: