Եվրոպան մութ ու մռայլ մի վայր է ՝ բազմաթիվ ազգայնամոլներով ու այլատյացներով. ՌԴ ԱԳՆ

Ռուսաստանի ԱԳՆ-ն ամենամյա զեկույց է հրապարակել  Եվրոպական Միությունում մարդու իրավունքների վերաբերյալ: Զեկույցում Եվրոպան ներկայացված  է որպես մութ ու մռայլ մի վայր, ուր բազմաթիվ են ազգայնամոլներն ու այլատյացները. հայտնում է РИА Новости:

153 էջանոց զեկույցում  բերվում են մարդու իրավունքների խախտման տվյալներ ԵՄ բոլոր 28 երկրներում: Իրավախախտումների թվում են՝  կտտանքներ, մասսայական լրտեսում, կալանավայրերում բանտարկյալների պահման պայմանների վատթարացում, մարդկանց առևտրի դեմ պայքարի ձախողում, փախստականների ու ներգաղթյալների նկատմամբ վատ վերաբերմունք, ինչպես նաև խոսքի ազատության սարսափելի սահմանափակում:

Ըստ ՌԴ ԱԳՆ-ի՝ տվյալ տեսանկյունից ամենավատ երկրներն են  Բրիտանիան, Բելգիան, Նիդեռլանդները և հատկապես երեք Մերձբալթյան պետությունները: