Պուտինը նախապատրաստում է Մեդվեդևի քաղաքական անկումը

Երբ տարեվերջյան ասուլիսի ժամանակ Վլադիմիր Պուտինին հարցրեցին՝ ո՞ւմ է նա համարում թիվ 2 քաղաքական գործիչ, նա միայն իր խոսքի վերջում թռուցիկ նշեց վարչապետ Դմիտրի Մեդվեդևի անունը՝   ասելով, որ նա պետական աշխատանքի մեծ փորձ ունի. գրում  է The Washington Times-ի քաղաքական մեկնաբան Մարկ Բենեթսը:

«Ըստ քաղաքագետ Միխայիլ Ռոստովսկիի՝ նա պարզ հասկացրեց Մեդվեդևին, որ նրա տեղն այժմ երկրորդական կամ ավելի շուտ երրորդական քաղաքական գործիչների շարքում է: Կարծիք կա, որ Մեդվեդևը զայրացրել է Պուտինին, երբ  չափավոր աջակցել է բողոքի շարժմանը, որը սկսվել էր 2011-ի խորհրդարանական ընտրություններից հետո",- գրում է հոդվածագիրը: