Կին լինելով` վստահ լինել, որ հանրապետական տղամարդը վզիցդ չի բռնի...

Այսօր լրագրողների հետ հանդիպման ժամանակ, խոսելով ԱԺ «Ժառանգություն» խմբակցության ղեկավար  Զարուհի Փոստանջյանի կողմից գրանցման քարտերի հավաքելու փաստի մասին, ՀՀԿ խոսնակ Էդուարդ Շարմազանովը  կարծիք հայտնեց, որ որոշ ընդդիմադիր պատգամավորներ չպետք է ամեն ինչ այդքան անլրջացնեն:

«Իշխանությունն այնքան բացթողումներ ունի, խնդրեմ` դա քննադատեք, ոչ թե օգտվեք նրանից, որ իգական սեռի ներկայացուցիչ ես. հանրապետական տղամարդկանց քարտերը վերցնել` համոզված լինելով, որ այդ տղամարդը վզիցդ չի բռնի»,- ասաց նա:

Շարմազանովը նշեց, որ Հանրապետական կուսակցությունը շարունակելու է իր աշխատանքները` անկախ այն բանից` քարտերը ում մոտ են: «Հիմա եթե որոշի երկու տարի իր մոտ պահել այդ քարտերը, ուրեմն մենք մեր ժողովրդի համար որևէ օրենք չպե՞տք է քվեարկենք, չի կարելի, էլի»,- ասաց նա: