Ազարովը կրկնեց Պուտինի միտքը

Ուկրաինայի վարչապետ Նիկոլայ Ազարովը հայտարարել է, որ այն, ինչ այժմ կատարվում է Ուկրաինայում, ընդդիմության` իշխանությունը զավթելու երրորդ փորձն է: Նա խոստացել է վերջ դնել  բոլոր տեսակի «թյուրիմացություններին» և պատժել մեղավորներին. հայտնում է Дни.ру-ն:

«Եվրոպական ի՞նչ ուղի են ընտրել ցույցերի կազմակերպիչները: Նրանք պետք է ազնիվ լինեն և խոստովանեն, որ եվրոպական արժեքների համար չեն պայքարում, այլ միայն իշխանության: Սակայն իշխանության համար պետք է պայքարել ընտրությունների ժամանակ»,- ասել է նա:

Հիշեցնենք, որ Երևանում ասուլիսի ժամանակ  ՌԴ նախագահ Վլադիմիր Պուտինը կարծիք էր հայտնել, որ Կիևում ընթացող ակցիաները նախապատրաստված էին 2015 թվականի մարտի՝ Ուկրաինայում նախագահական ընտրարշավի համար: