Օսկանյանը ելույթ կունենա Ստամբուլում ընթացող գագաթաժողովում

Ստամբուլում այս օրերին ընթանում է ԱՄՆ Ատլանտյան խորհրդի էներգետիկ-տնտեսական 5-րդ տարեկան գագաթաժողովը։

Գագաթաժողովը բացվել է Թուրքիայի նախագահ Աբդուլլահ Գյուլի խոսքով։ Ելույթով հանդես է  եկել ԱՄՆ նախկին նախագահներ Ջերալդ Ֆորդի և Ջորջ Բուշի ազգային անվտանգության հարցերով խորհրդական Բրենթ Սքոուքրոֆթը։

Գագաթաժողովին Հայաստանից մասնակցում են Ազգային ժողովի պատգամավոր Վարդան Օսկանյանը, «Համաձայնություն» կենտրոնի ղեկավար Դավիթ Շահնազարյանը, «Սիվիլիթաս»  հիմնադրամի տնօրեն Սալբի Ղազարյանը և Տարածաշրջանային հետազոտությունների կենտրոնի ղեկավար Ռիչարդ Կիրակոսյանը։

Նոյեմբերի 22-ին գագաթաժողովի «Էներգետիկ, տնտեսական և քաղաքական մարտահրավերներ ու ռազմավարություններ» նիստում ելույթ կունենա ԱԺ պատգամավոր, Հայաստանի նախկին արտգործնախարար Վարդան Օսկանյանը։