Համաներման գործընթացը կազմակերպելու համար կաշառք վերցրած պաշտոնյան կալանավորվել է

Հայաստանի Արդարադատության նախարարության քրեակատարողական վարչության այլընտրանքային պատիժների կատարման բաժնի Արմավիրի բաժանմունքի պետ Սահակ Հարությունյանը եւ նույն բաժանմունքի առաջատար մասնագետ Ալեքսանդր Խաչատրյանը կալանավորվել են:  Այս մասին հայտնում է ՀՔԾ-ն:

Նշենք, որ 2013 թվականի հոկտեմբերի 15-ին ՀՀ Հատուկ քննչական ծառայությունում ՀՀ ՔՕ 311-րդ հոդվածի 1-ին եւ 2-րդ կետերով հարուցվել է քրեական գործ Սահակ Հարությունյանի եւ Ալեքսանդր Խաչատրյանի կողմից նախնական համաձայնությամբ եւ շորթմամբ` ՀՀ ՔՕ 178-րդ հոդվածի 2-րդ մասով տուգանքի դատապարտված Բ. Բ.-ի նկատմամբ համաներում կիրառելու գործընթացը կազմակերպելու համար 400 000 ՀՀ դրամ կաշառք պահանջելու եւ ստանալու դեպքի առթիվ: Նախաքննությունը շարունակվում է: