25-ամյա Շչերբակովին սպանած ադրբեջանցու ծնողները ներողություն են խնդրել ողջ Ռուսաստանից

Մոսկվայի Բիրյուլևո շրջանում 25-ամյա երիտասարդին սպանած ադրբեջանցի Օրհան Զեյնալովի ծնողները НТВ հեռուստաալիքին տված էքսկլյուզիվ հարցազրույցում ներողություն են խնդրել սպանվածի՝ Եգոր Շչերբակովի ծնողներից և ողջ Ռուսաստանից:

Զեյնալովի հայրը՝ Զահիդ Զեյնալովը, ասել է, որ նման քայլ չէր սպասում որդուց, ով մեծացել է մանկավարժների ընտանիքում:

«Ես մանկավարժ եմ, ի՞նչ կարող եմ ասել: Ես երկու որդի ունեմ և երկու դուստր: Նա ցանկանում էր օգնել ինձ, այդ  պատճառով էլ մեկնեց Ռուսաստան ՝ գումար վաստակելու: Ես շատ եմ ցավում, որ այդպես է ստացվել: Ես ներողություն եմ խնդրում որդուս քայլերի համար: Չէի ցանկանա, որ նման բան պատահեր»,- ասել է Զեյնալովի հայրը:

Տեսանյութն՝ այստեղ: