Այստեղ ենք միայն հաղթանակի համար. Լյուբոսլավ Պենև

Բուլղարիայի ազգային հավաքականի գլխավոր մարզիչ Լյուբոսլավ Պենևը Հայաստան-Բուլղարիա խաղից առաջ կայացած մամուլի ասուլիսում հայտարարեց, որ բոլոր թիմերը, ունեն այնքան միավոր որքանին արժանի են:

«Մենք պատրաստ ենք թե Հայաստանի հետ, թե’ Չեխիայի հետ խաղին:

Ինչ վերաբերում է երկրպագուներին, ովքեր «ջերմ» դիմավորեցին մեր հավաքականին, այդ մասին ես չեմ ցանկանում խոսել: Կան համապատասխան կառույցներ, ովքեր կզբաղվեն այդ հարցով: Կարող եմ ասել, որ բոլոր թիմերը, ունեն այնքան միավոր որքանին արժանի են:

Հայաստանը շատ լավ բալանսավորված թիմ է: Կան մի քանի ֆուտբոլիստնոր, ովքեր լավ արդյունքներ են ցույց տալիս: Առանձնացնել ոչ մեկի չեմ ցանկանում: 

Այստեղ ենք միայն հաղթանակի համար: Չեմ ցանկանում այլևս անդրադառնալ Հայաստանի հետ նախորդ խաղին:

Ինձ համար կարևոր չէ, որ մենք չունենք համաշխարհային աստղեր, կարևորն այն է, որ մենք ունենք բալասավորված խաղ»,-ասաց նա: 

Հիշեցնենք, որ Հայաստանի ազգային հավաքականը Աշխարհի 2014թ. առաջնության ընտրական փուլի շրջանակներում հոկտեմբերի 11-ին` ժամը 19:00-ին, Վազգեն Սարգսյան անվան «Հանրապետական» մարզադաշտում կընդունի Բուլղարիայի ազգային ընտրանուն, որից հետո` հոկտեմբերի 11-ին, Իտալիայի Նեապոլ քաղաքում ուժերը կչափի աշխարհի քառակի չեմպիոն Իտալիայի հետ: