Меня мучают смутные сомнения. Տիգրան Կարապետյանը` Փոստանջյանի հնչեցրած հարցի մասին

Ժողովրդական կուսակցության նախագահ Տիգրան Կարապետյանին «մուչայուտ սմուտնիյե սոմնենիյա»` կապված ԵԽԽՎ-ում Զարուհի Փոստանջյանի հնչեցրած աղմկահարույց հարցի հետ:

Տիգրան Կարապետյանը կարծում է, որ դա իշխանությունների մշակած սցենարն է. «Ո՞նց կարող է հանրապետականը, այն էլ` Հովիկի թիմից, իր հարցը զիջի Փոստանջյանին` շատ լավ իմանալով նրա բնավորությունը, որ նա կարող է ոչ ստանդարտ հարց տալ: Ի գիտություն ձեզ` ՀՀԿ-ն առանց ցուցումի «կնոպկա» չի սեղմում»:

Լրագրողներից մեկի հարցին, թե հնարավո՞ր է` նախօրոք պայմանավորված են եղել հարցի շուրջ, Կարապետյանն արձագանքեց. «Բա ոնց»: Դիտարկմանը, թե հարցը հնչելուց հետո իշխանական թևի զարմանքն ակնհայտ էր, Կարապետյանը պատասխանեց. «Իրանք դերասաններ են»:

Ժողովրդական կուսակցության նախագահը համամիտ է այն մտքին, որ Փոստանջյանի հարցը հեղինակազրկում է Հայաստանը:

«Ապավինել դրսի ուժերին, նշանակում է ցույց տալ, որ մենք ի վիճակի չենք ներսում բան փոխել»,- ընդգծեց նա: