Ոստիկանները "շրջափակել են" ՀՀԿ-ի շենքը

Մոտ կես ժամից ՀՀԿ-ի կենտրոնական գրասենյակում կմեկնարկի հանրապետականների գործադիր մարմնի նիստը: ՀՀԿ շենքի մոտից Yerkir.am-ի թղթակիցը հաղորդում է, որ ոստիկանական խիստ հսկողություն է սահմանված տեղանքում: Մելիք-Ադամյան-Տիգրան Մեծ խաչմերուկը փակ է, եւ որեւէ քաղաքացու ոստիկանները թույլ չեն տալիս շարժվել դեպի Մելիք Ադամյան փողոց:

Այստեղ մի խումբ ցուցարարներ բողոքում են Մաքսային միությանն անդամակցելու` Սերժ Սարգսյանի որոշման դեմ` վանկարկելով' «Ազատ, անկախ Հայաստան»:

Ըստ Yerkir.am-ի թղթակցի` լրագրողների հետ զրույցում Երեւանի փոխոստիկանապետ Վալերի Օսիպյանը սահմանված խիստ հսկողությունը բացատրել է այն հանգամանքով, թե հաշվի են առել Բաղրամյան 26-ի երեկվա ակցիան եւ բողոքավորների կոչերը:

Ուշագրավ է, որ ոստիկանները մի քանի անգամ ավելի շատ են, քան լրագրողներն ու ցուցարարները: