ՏԵՍԱՆՅՈՒԹ․ Ոստիկանները շրջափակել են կառավարության շենքը, որ ոչ մի նախարար չմտնի․ Գեղամ Մանուկյան

Ոստիկանները շրջափակել են կառավարության շենքը, որ ոչ մի նախարար չկարողանա մուտք գործել՝ ըստ Yerkir.am-ի հայտարարեց ՀՅԴ անդամ Գեղամ Մանուկյանը Հայրենիքի փրկության շարժման հրավիրած բողոքի ակցիայի ժամանակ, որի ընթացքում քաղաքացիները շրջափակել են ՀՀ կառավարության շենքը, որպեսզի կառավարության անդամները չկարողանան ներս մտնել և գումարել տարեվերջյան նիստը։

«Քաղաքացիները աջակցում են ոստիկաններին՝ շրջափակել կառավարության շենքը, որ նախարարները չմտնեն»,-ասաց Գեղամ Մանուկյանը։

Նա նշեց, որ եթե անգամ առավոտյան 9։30 էլ գաղտագողի մտել են, ապա չեն կարողանալու դուրս գալ։

«Սա նշանակում է մի կառավարություն, որը չի կարողանալու բաց երեսով իր վարչապետի հետ մուտք գործել կառավարություն, դադարում է ժողովրդի կառավարությունը լինելուց։ ՀՀ-ում ստեղծվել է մի իրավիճակ, որ այլևս օրենք, պետական կառավարման համակարգ դադարում է գոյություն ունենալ»,-նշեց Մանուկյանը։

Նա նկատեց, որ այս կառավարությունը, առանց պաշտոնական կառավարության նիստ անելու, երեկ վավերացրել է տնտեսագիտական համալսարանի ռեկտորի ընտրությունը։ Սա, ըստ նրա, նշանակում է, որ ամեն րոպե, առանց նիստ անելու, կառավարությունը ինչ ասես, կարող է ստորագրել, օրինակ, Ադրբեջանի հետ դիվանագիտական հարաբերություներ հաստատելու որոշում ընդունել։

Ցուցարարներից մեկը հայտարարեց՝ եթե Սյունիքը այսքան ուժերով պաշտպանեին, մենք այս վիճակում չէինք լինի։

Մանրամասն՝ տեսանյութում․