Դիլիջանի ոլորաններում ''ՊԱԶ'' է գլորվել. կա 18 վիրավոր

Օգոստոսի 23-ի առավոտյան խոշոր ավտովթար է տեղի ունեցել Գեղարքունիքի մարզում: Ժամը 09:00-ի սահմաններում ՊԱԶ մակնիշի մարդատար ավտոբուսի վարորդը Երևան-Իջևան ավտոճանապարհի Դիլիջանի ոլորաններում չկարողանալով կառավարել ավտոմեքենան, 2-րդ ոլորանից գլորվել և ընկել է 3-րդ ոլորան:

Shamshyan.com-ը հայտնում է,  որ վթարի հետևանքով 18 հոգի մարմնական վնասվածքներով տեղափոխվել են Դիլիջանի և Սևանի հիվանդանոցներ:

Ավտոմեքենայից գազի արտահոսք է սկսվել, ու փրկարարները հիմա աշխատանքներ են կատարում այն դադարեցնելու համար: Վիրավորներից մեկը ֆոտոլրագրողին հյատնեց, որ ավտոբուսում գտնվող բոլորը մանկավարժներ են, Փարաքար գյուղից: ՃՈ 5-րդ վաշտի հրամանատար Սերգեյ Հակոբյանի և ոստիկանության Տավուշի մարզային վարչության պետ Արշավիր Գևորգյանի, ինչպես նաև քննչական խմբի աշխատակիցների կողմից կատարվում են աշխատանքներ՝ պարզելու համար վարորդի և վիրավորների ինքնությունը: Հաշվի առնելով վթարի իրավիճակը, դեպքի վայր է ժամանել նաև Տավուշի մարզի դատախազ Աննա Մանթաշյանը: