Ռուսաստանը զենքի վաճառքով զիջում է միայն ԱՄՆ-ին

Ռուսաստանը պահպանել է դիրքերը աշխարհի` զենքի խոշորագույն մատակարարների  հնգյակում` զբաղեցնելով երկրորդ հորիզոնական ԱՄՆ-ից հետո: Այս տվյալները, ըստ Интерфакс-ի, բերված են Աշխարհի հիմնախնդիրների ուսումնասիրման ստոկհոլմյան միջազգային ինստիտուտի (SIPRI) ռուսերեն տարեկան հրատարակությունում:

SIPRI-ի տվյալներով` 2007-2011թթ. ԱՄՆ-ը, Ռուսաստանը, Գերմանիան, Ֆրանսիան եւ Մեծ Բրիտանիան մատակարարել են սովորական սպառազինությունների 75 տոկոսը` 2002-2006 թվականների 78 տոկոսի փոխարեն:

Ըստ զեկույցի` թեեւ առաջատար հնգյակում փոփոխություններ չեն եղել, սակայն վերջին տարիներին զգալի ուժ ունեցող մատակարարների թվում են հայտնվել Չինաստանը եւ Իսպանիան: Հնդկաստանը դարձել է սպառազինությունների խոշորագույն ներմուծող, մինչդեռ Չինաստանը շարունակում է այդ ցուցակում ավելի ու ավելի ցածր մակարդակներ գրավել: