Լույսի եւ խավարի արանքում

«Ոսկե ծիրան» միջազգային կինոփառատոնի «Հայկական համայնապատկեր» անվանակարգում է առաջադրվել Էմիլ Մկրտչյանի «Իդան այստեղ է» ֆիլմը:

Լրագրողներին Մկրտչյանը հայտնեց, որ երկու տարի առաջ առաջին անգամ մասնակցել է «Ոսկե ծիրան» կինոփառատոնին եւ Շվեդիա վերադառնալուն պես` սկսել նոր ֆիլմ նկարահանել` կրկին փառատոնին մասնակցելու նպատակով:

Նա տեղեկացրեց նաեւ, որ ֆիլմը պատմում է այն մասին, թե ինչպես է ֆիլմի գլխավոր հերոսուհին` Իդան, մեռնում մտովի, եւ միշտ ստիպված լինում պայքարել լույսի եւ խավարի արանքում:

«Աշխարհում կա մթություն եւ լույս, եւ ֆիլմը ներկայացնում է մի աղջկա ընկալումը խավարի եւ լույսի մասին: Դերասանուհին Շվեդիայից է, եւ մինչ այս նա նկարահանվել է շվեդական մի շարք ֆիլմերում: Ֆիլմը ցուցադրվում է առաջին անգամ»,-ասաց Մկրտչյանը: