Վիճակագրական ցուցանիշները չեն համապատասխանում իրականությանը

Ուսումնասիրելով ՀՀ պաշտոնական վիճակագրությունը՝ դժվար չէ համոզվել, որ ցուցանիշներից ոչ մեկը իրականությանը չի համապատասխանում՝ կեղծված են ընտրությունների արդյունքները, ՀՀ բնակչության թիվը, տնտեսական աճի ցուցանիշը. գրում է «Հայկական ժամանակը»:

Երեկ պարզվեց, նշում է թերթը, որ կեղծված Է նաև Հայաստանում 2012 թվականի ընթացքում իրականացված օտարերկրյա ներդրումների ցուցանիշը: ՀՀ Ազգային վիճակագրական ծառայության վերջերս հրապարակած տեղեկանքի համաձայն, անցած տարվա վերջին եռամսյակում Հայաստանի հեռահաղորդակցության ոլորտում ներդրվել է Ֆրանսիական ծագում ունեցող՝ 200 միլիոն դոլար:

Երեկ ՀՀ կապի և տրանսպորտի նախարար Գագիկ Բեգլարյանը «Հայկական Ժամանակ»-ի թղթակցի հարցին ի պատասխան հայտնել Է, որ նման որևէ ներդրում չկա: